Som perler på ei snor har me allereie publisert tre artistar til Jordeplerock 2024. Fyrst ut var to kjenningar frå 2019; Stavangerkameratene og Folk Flest. Begge vart godt mottekne av publikum sist dei besøkte Jordeplerock og me forventar at dei også vert det i 2024.

Endeleg kan me ynskja Åge & Sambandet velkomen til Lærdal og Jordeplerock! Det er få band som har vorte etterspurt meir i løpet av Jordeplerock sine 11 år enn nettopp Åge & Sambandet. Me ser fram til å nyta kjente og kjære låtar frå trønderrockebandet i dei flottaste omgivnadar ein festival kan by på!

Det ser altså lovande ut for dei som ynskjer fart på både dansefoten og rockefoten i 2024. Det er heller ikkje tvil om at det vil bli høg allsangfaktor på Lærdalsøyri til sumaren!

Billettsalet er også allereie i gang, sikre deg billett allereie no!